दुबईमा मृत भेटिए अर्घाखाँचीका कृष्ण पाण्डे, शव ल्याइदिन सरकारसँग परिवारको आग्रह
काठमाडौँ । अर्घाखाँचीको छत्रदेव गाउँपालिका–०७ काउलेका २४ बर्षे कृष्ण पाण्डे यूएईमा मृत फेला परेका छन् । सोमबार पाण्डेलाई दुवईको सडक छेउमा मृत भेटिएको दुबई प्रहरीले जनाएको छ ।
पाण्डे दुई वर्षअघि भिजिट भिषामा दुबई पुगेका थिए । उनी दुबईस्थित एक होटलमा काम गर्दै आएका थिए । तर तीन महिनाअघि होटलको काम छोडेर बसेका उनी मृत भेटिएका हुन् ।
भिजिट भिसामा गएका कारण उनको शव नेपाल ल्याउन अहिले समस्या भएको छ । अर्कोतर्फ परिवारको आर्थिक अवस्था समेत कमजोर भएका कारण शव ल्याउन नसकिएको मृतकका दाई प्रकाश पाण्डेले बताए । ‘परिवारको आर्थिक अवस्था कमजोर छ । भिजिटमा गएकाको सरकारले उद्धार गर्दैन भन्ने सुनेका छौँ’, प्रकाशले भने, ‘बाबुको उपचारको चिन्ता अर्कोतर्फ छ । भाई त आएन, कम्तीमा शव भएपनि नेपाल ल्याउन सहयोग गरिदिन सरकारसँग आग्रह गछौँ ।’
दाई प्रकाश पाण्डेका अनुसार बाबुको उपचारका निम्ती उनका आमा, बुबा र कृष्णकी श्रीमती र छोरी भारतमा छन् ।
- रवि लामिछानेलाई भैरहवा पुर्याइयो
- बारको २७ औंँ केन्द्रीय कार्यसमितिका लागि मतदान जारी
- आज चैते दशैँ, नवदुर्गा भगवतीको पूजा आराधना गरी मनाइँदै
- बैतडीमा जीप दुर्घटना : एक जनाको मृत्यु, तीनजना घाइते
- 'राज्यले विवेक गुमाएको बेला हामीले गुमाउनु हुँदैन, चितवनको कार्यक्रम भव्य बनाऔँ': रास्वपा
- रवि लामिछानेलाई विमानमार्फत भैरहवा लगियो
- पक्राउअघि रविको भिडियो सन्देशः ‘मलाई हत्या नै गरेछन् भनेपनि नेपाली मतपत्रमा घण्टी चुनावचिन्ह बसेको छ’
- अदालतको आदेश आएको एक घण्टा पनि नबित्दै पक्राउ परे रवि लामिछाने
