‘राजनीतिक र नीतिगत स्थायित्वले अर्थतन्त्रमा सुधार’: चन्द्र ढकाल
गोदावरी (कैलाली) । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले संसद्का ठूला दलहरू मिलेर बनेको सरकारबाट राजनीतिक र नीतिगत स्थायित्वले अर्थतन्त्रमा सुधार आउने विश्वास व्यक्त गरेका छन् ।
धनगढीमा आज आयोजित कैलाली उद्योग वाणिज्य सङ्घको ५०औँ स्वर्णिम वर्ष तथा वार्षिक साधारणसभालाई सम्बोधन गर्दै उनले नीतिगत अस्थिरताका कारण अर्थतन्त्रमा ठूलो समस्या देखिएकाले नेपाल राष्ट्र बैंकले हालै ल्याएको मौद्रिक नीतिले अर्थतन्त्र चलायमान हुने बताए ।
सेयर बजारले गति लिन थालेको सन्दर्भ उल्लेख गर्दै अध्यक्ष ढकालले बजारमा माग सृजना गर्न र उत्पादनमूलक क्षेत्रको वृद्धिका लागि सरकारले थप सुधार गर्नुपर्ने आवश्यकता औँल्याए । उनले सङ्घसँगै प्रदेश सरकार स्थायी हुने सम्भावना देखिएकाले प्रदेशमा आर्थिक गतिविधि चलायमान बनाउन प्रदेश र स्थानीय सरकारबीच समन्वय हुनुपर्ने बताए ।
कार्यक्रममा कैलाली उद्योग वाणिज्य सङ्घका अध्यक्ष पुष्पराज कुँवरले सुदूरपश्चिम प्रदेशमा आर्थिक गतिविधि चलायमान बनाउन उद्योग वाणिज्य सङ्घले प्रभावकारी भूमिका खेलिरहेको बताए ।
- दुर्गा प्रसाईँलाई बुद्ध एयरमा काठमाडौँ ल्याइँदै
- सुनको मूल्य बढ्ने क्रम जारी, आजपनि रेकर्ड
- दुर्गा प्रसाईँलाई भारतबाट झापा ल्याइयो, विमानबाट काठमाडौँ ल्याइँदै
- लगानीको वातावरण बनाउन र उत्पादनको लागत घटाउन उच्चस्तरीय आयोगको सुझाव
- भारतबाट गाडीमा झापा ल्याइने दुर्गा प्रसाईंलाई विमानबाट काठमाडौँ ल्याइने
- यस्तो छ आजका लागि निर्धारित विदेशी मुद्राको विनिमयदर
- विश्वप्रसिद्ध बिस्का जात्राः भैरवको रथ वंशगोपाल पुगेर फर्काउँदै
- रोयल मर्चेन्ट बैंकिङ एन्ड फाइनान्ससम्बन्धी मुद्दामा सर्वोच्च गयो अख्तियार
