बारामा यात्रुबाहक बस दुर्घटना, १३ जना घाइते
बारा । बारामा आज भएको यात्रुबाहक बस दुर्घटनामा परेर १३ जना घाइते भएका छन । दुर्घटनामा परी गम्भिर घाइते भएका २ जनालाई उपचारका लागि सिमरा अस्पताल पठाइएको छ ।
जिल्लाको जितपुर सिमरा उपमहानगरपालिका–१६ स्थित पसाहा पुल नजिकै यात्रुवाहक बस अनियन्त्रित हुँदा भएको सवारी दुर्घटनामा परी १३ जना घाइते भएको हुन् । उनीहरु सबैको सकुशल उद्धार गरिएको शसस्त्र प्रहरीले जनाएको छ ।
मलंगवाबाट बिरगंजतर्फ जादै गरेको ना ४ ख ७१९४ नम्बरको यात्रुवाहक बस अनियन्त्रित भई दुर्घटना भएको शसस्त्र प्रहरी बल २ नम्बर बाहिनी हेड्क्वार्टर ,महोत्तरीका एसपी शशी पाण्डेले जानकारी दिए । उक्त गाडीमा ३१ जना यात्रुहरु सवार थिए ।
दुर्घटना घाइते भएकाहरुको उद्धारका लागि शसस्त्र प्रहरीको ४० नम्बर रिजर्भ गण बाराबाट सुरक्षा फौज खटिएको थियो । गम्भिर घाइते भएकाहरुलाई तत्काल उनीहरुकै गाडीमा राखेर अस्पताल पुर्याइएको र थपलाई एम्बुलेन्समार्फत अस्पताल पुर्याइएको एसपी पाण्डेले सिधाकुरालाई जानकारी दिए ।
- आजका कुरा: दिउँसोभरका समाचार अपडेट
- कलाकारको उमेर होइन, अभिनय हेरिन्छः अभिनेता हमाल
- प्रधानमन्त्री ओली थाइल्यान्डमा
- लोडशेडिङ हटेपछि निर्यात उद्योगहरू खुशी
- ‘सञ्चो’... चाँडै बौरिने छ’(भिडियो)
- विद्युत् प्राधिकरणका दुवै रिट ‘हेर्दाहेर्दै’ मा
- जसले पैसा सापटी दियो उसैको हत्या !
- यस्ता छन् चैत १८ गते बसेको मन्त्रीपरिषद् बैठकले गरेका निर्णयहरु
