सबै कुरा

बाँकेको पिप्रहवामा रहेको बाहुबली जडीबुटी उद्योगमा आगलागी

क्षेत्रनाथ देवकोटा

बिहीबार, वैशाख ६, २०८१

बाँके । बाँकेको पिप्रहवामा रहेको बाहुबली जडीबुटी उद्योगमा आगलागी भएको छ । बिहीबार बिहान ७.१५ बजेदेखि लागेको आगो नियन्त्रणमा आएको छैन ।

जानकी गाउँपालिका वडा नं. ६, पिप्रहवामा रहेको राजेश जैनको जडीबुटी उद्योगमा विद्युत सर्ट भएर आगो लागेको हुनसक्ने अनुमान गरिएको छ ।

आगो निभाउन नेपालगञ्ज उपमहानगरपालिका, कोहलपुर नगरपालिकाका दमकल आएको छ । आगो नियन्त्रणमा लागि बर्दियाको गुलरिया नगरपालिका र बाँसगढी नगरपालिकाको दमकल मगाइएको छ ।

उद्योगको परिसरमा रहेको काठमा आगो दन्किएको छ । उद्योगभित्र आगो पुगिसकेको छैन । उद्योगभित्र पुगेमा अझ ठूलो क्षति हुने भएकाले आसपासबाट दमकल मगाइएको प्रशासनले जनाएको छ ।

बाँकेका प्रमुख जिल्ला अधिकारी श्रवणकुमार पोखरेल, एसपी तुलबहादुर कार्कीलगायतको टोली घटनास्थलमा पुगिसकेका छन् ।

प्रकाशित मिति: बिहीबार, वैशाख ६, २०८१

प्रतिक्रिया दिनुहोस्