नेपालगन्जस्थित महेन्द्र बहुमुखी क्याम्पस प्रमुखको कुर्सी रुखमा
बाँके । आफूहरुले राखेका विभिन्न माग पूरा नगरेको भन्दै महेन्द्र बहुमुखी क्याम्पस नेपालगन्जका क्याम्पस प्रमुखको कुर्सी स्ववियुले रुखमा झुण्ड्याइदिएको छ ।
आफूहरुले राखेका जायज मागहरु पूरा नगरेको भन्दै क्याम्पसका स्वबियु अध्यक्ष माधव खत्रीको नेतृत्वमा क्याम्पस प्रमुख लालमणि आचार्यको कुर्सी बिहीबार रुखमा झुण्ड्याइएको हो ।
क्याम्पसमा देखिएका विभिन्न समस्या यथाशीघ्र समाधान गर्नुपर्ने भन्दै क्याम्पस प्रशासनसमक्ष विभिन्न मागसहितको ध्यानाकर्षण पत्र बुझाउँदा समेत माग पूरा नहुँदा क्याम्पस प्रमुखको कुर्सी रुखमा झुण्ड्याइदिएको क्याम्पसका स्वबियु अध्यक्ष माधव खत्रीले बताए ।‘क्याम्पसमा नियमित पठनपाठन हुनुपर्ने, व्यवस्थित पार्किङ हुनुपर्ने, खेल मैदानको निर्माण गरिनुपर्ने, सूचना बोर्ड राखिनुपर्ने, शुद्ध खानेपानीको व्यवस्थापन गर्नुपर्ने, पुस्तकालय तथा होस्टेलको व्यवस्थापन गरिनुपर्ने, शौचालय, कक्षा कोठा तथा क्याम्पस प्राङ्गणको सरसफाइ हुनुपर्ने माग थिए । ती पूरा नभएपछि यस्तो गर्न बाध्य भयौँ ।’, अध्यक्ष खत्रीले भने ।
यसअघि महेन्द्र बहुमुखी क्याम्पस नेपालगन्जको स्वतन्त्र विद्यार्थी युनियनले क्याम्पस प्रशासनसमक्ष विभिन्न माग राख्दै ७२ घण्टे अल्टिमेटमसहित ध्यानाकर्षण पत्र बुझाएको थियो ।
- अमेरिकामा नेपालीहरूको संस्था बानाको नयाँ नेतृत्व चयन हुँदै, ह्यारी भण्डारीका भाइ बने स्वतन्त्र उम्मेदवार
- काठमाडौँमा सुरु भयो सेतो मछिन्द्रनाथको रथ यात्रा (तस्विरहरु)
- म्यान्मारमा भूकम्प : मृतकको सङ्ख्या ३३०० नाघ्यो
- ट्रम्पको विश्वव्यापी भन्सार शुल्क लागू, अमेरिकी व्यापारमा नाटकीय परिवर्तन
- सूर्यविनायक–धुलिखेल सडकको काम समयमै सकिँदैनः आयोजना
- आगलागीका घटना बढ्दै, ३८ घटनामा तीनको मृत्यु
- ३५ वर्षसम्म देश लुटेका भ्रष्टहरुलाई पाता कसेर जेलमा हालेर जेलैभित्र दश दान र बैतर्नी गर्ने इच्छा छः हरि ढकाल
- सभापति रविलाई चितवनामा बोल्न नदिन सारा राज्य लागेको प्रमाणित भयोः स्वर्णिम वाग्ले
