विद्यालय व्यवस्थापन समिति विघटनको निर्णय तत्काल कार्यान्वयन नगर - सर्वोच्च
१३ भदौ, काठमाडौ । सर्वोच्च अदालतले काठमाडौं महानगरपालिका क्षेत्रका सामुदायिक विद्यालय व्यवस्थापन समितिहरू तत्काल विघटन नगर्न आदेश दिएको छ ।
विद्यालय व्यवस्थापन समितिको अध्यक्ष वडा अध्यक्षलाई नै बनाएर व्यवस्थापन समिति विघटन गर्ने काठमाडौं महानगरपालिकाको निर्णयमा तत्काल कार्यान्वयन नगर्न सर्वोच्च अदालतको संवैधानिक इजलासले अन्तरिम आदेश दिएको हो ।
प्रधानन्यायाधीश विश्वम्भर श्रेष्ठ नेतृत्वको संवैधानिक इजलासमा न्यायधीशहरू ईश्वर खतिवडा, आनन्दमोहन भट्टराई, प्रकाशमानसिंह राउत र सपना प्रधान मल्ल रहेका छन् ।
महानगरपालिकाको साउन ३० गते बसेको नगरसभाले सामुदायिक विद्यालयमा रहेका व्यवस्थापन समितिहरू विघटन गर्ने र सम्बन्धित वडाको अध्यक्ष वा अध्यक्षले तोकेको व्यक्ति विद्यालय व्यवस्थापन समितिको अध्यक्ष हुने व्यवस्था गर्ने निर्णय गरेको थियो । काठमाडौं महानगरपालिका क्षेत्रभित्र ८९ वटा सामुदायिक विद्यालय छन् ।
हितवीर सिंह कंसाकार सहित १८ वटा विद्यालय व्यवस्थापन समितिका अध्यक्षले महानगरका मेयर बालेन शाहसहितलाई विपक्षी बनाएर सर्वोच्चमा रिट दर्ता गराएका थिए ।
अदालतले महानगरलाई कारणदेखाउ आदेश जारी गर्दै तत्काल सो निर्णय कार्यान्वयन नगर्न अन्तरिम आदेश जारी गरेको हो ।
- पक्राउअघि रविको भिडियो सन्देशः ‘मलाई हत्या नै गरेछन् भनेपनि नेपाली मतपत्रमा घण्टी चुनावचिन्ह बसेको छ’
- अदालतको आदेश आएको एक घण्टा पनि नबित्दै पक्राउ परे रवि लामिछाने
- म माथि ठूलो अन्याय भएको छः रवि लामिछाने
- जाजरकोटको पैङ्क केन्द्रबिन्दु भएर दुई पटक भूकम्पको धक्का
- रास्वपा सभापति लामिछानेलाई पुर्पक्षका लागि थुनामा पठाउने उच्च अदालतको आदेश
- गणतन्त्रको विकल्प राजतन्त्र हुन सक्दैनः विश्वप्रकाश शर्मा
- बँदेल मार्न थापिएको पासोमा परेर महिलाको मृत्यु, दुई जना पक्राउ
- सरकारलाई पत्याएनन् शिक्षकले, वार्तामा बस्न अस्वीकार
