नेभिगेशन
सबै कुरा

काटेर थुपारेको धानको थुप्रोमा अज्ञात समूहद्धारा आगजनी

रौतहट : रौतहटको फतुवा विजयपुर नगरपालिकाका एक किसानको खेतमा भित्र्याउन ठिक्क पारेको धानमा अज्ञात समूहले आगजनी गरेको छ ।

जिल्लाको फतुवा विजयपुर – २ का किसान लक्ष्मी नारायण यादवको पौने २ बिगाह खेतमा लगाएको धान शनिबार राती ९ बजेतिर आगो लगाएर पुर्ण रुपमा नष्ट पारिदिएका छन् । आगलागीबाट सबै धान जलेर खरानी भएको किसान यादवले बताए । 

खेतको धान एकै ठाउँ थुपारेर आइतबार थ्रेसर लगाउने तयारीमा रहेका किसान यादबको धानमा पेट्रोल छर्किएर आगो लगाइएको यादवको भनाइ छ । 

आगलागीबाट करिब ३ लाख बराबरको क्षति भएको छ । घटनाको बारेमा प्रहरीलाई जानकारी गराइसकेको र दोषीलाई पक्राउ गरेर कानुनी कारवाहीको दायरामा ल्याउन उनले माग गरेका छन् ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
भर्खरै