नवराज विकसहित ६ जनाको हत्या भएको सोती घटनाको बहस सकियो, आजै फैसला आउनसक्ने
काठमाडौं । जिल्ला अदालत रुकुम पश्चिममा सोती घटनाको बहस सकिएको छ । २०७७ जेठमा चौरजहारी नगरपालिका–८ सोतीगाउँमा नवराज विकसहित ६ जनाको हत्या भएको थियो । कर्तव्य ज्यान र जातीय छुवाछूतसम्बन्धी मुद्दामाथिको जिल्ला न्यायाधीश खड्गबहादुर केसीको इजलासमा आइतबारदेखि निरन्तर सुनुवाई भएको थियो ।
नवराजका बाबु मुनलाल नेपालीको जाहेरीका आधारमा सो घटनामा तत्कालीन वडाध्यक्ष डम्बरबहादुर मल्लसहित ३४ जनाविरुद्ध मुद्दा चलिरहेको छ । उनीहरुमध्ये ११ जना साधारण तारेखमा छुटेका थिए भने २३ जनालाई पूर्पक्षका लागि थुनामा पठाइएको थियो । सो मुद्दामा वादी र प्रतिवादीका कानून व्यवसायीले अन्तिम बहस गरिसकेका छन् । उक्त मुद्दाको फैसला आजै आउने संभावना छ ।
२०७७ जेठ १० गते जाजरकोटको भेरी नगरपालिका–४ का २१ वर्षीय नवराज विक बिहे गर्न आफ्ना साथीहरु लिएर पारिपट्टिको गाउँ अर्थात रुकुम पश्चिमको सोतीगाउँ पुगेका पुगेका थिए । तर सोतीका स्थानीयले आक्रमण गरेका थिए । सो क्रममा नवराज विकसहित ६ जनाको हत्या भएको थियो । विकसहित सन्दीप विश्वकर्मा, टीकाराम सुनार, लोकेन्द्र सुनार, गणेश बुढा र गोविन्द शाहीको हत्या भएको थियो । उनीहरुको शव भेरी नदिमा भेटिएको थियो । उक्त अन्य १२ जना घाइते भएका थिए ।
- बिम्स्टेक शिखर सम्मेलन सुरु
- डढेलोमा परी पाँचथरमा एक युवतीको मृत्यु, चार घाइते
- दक्षिण कोरियाका राष्ट्रपतिमाथिको महाअभियोग संवैधानिक अदालतबाट सदर
- बिम्स्टेक सम्मेलन आज प्रधानमन्त्री ओलीले सम्बोधन गर्ने, आजै भारतीय प्रधानमन्त्री मोदीसँग भेटवार्ता
- किन बढ्दै छ, वायु प्रदूषण ? कति हानिकारक ?
- महानगरमा भएको रमिताको अन्तर्य !
- आजका कुराः दिउँसोभर के के भयो ?
- अपहरणमा परेकी सात वर्षीया बालिकाको सकुशल उद्धार
