प्रादेशिक अस्पताल जनकपुरका सुत्केरीको निधन, आफन्तद्वारा अस्पताल घेराउ
सुत्केरी व्यथा लागेर प्रादेशिक अस्पताल जनकपुर पुर्याएकी एक महिलाको शल्यक्रियापश्चात रक्तस्रावका कारण मृत्यु भएको छ ।
महोत्तरीको मठिहानी –३ बर्दाहाकी २५ वर्षीया तजवुल खातुनलाई शुक्रबार सुत्केरी व्यथा लागेपछि उनलाई प्रादेशिक अस्पताल जनकपुर लगिएको थियो । अस्पतालमा शल्यक्रियापश्चात छोरी जन्माएकी उनको अत्याधिक रक्तस्रावपश्चात निधन भएपछि चिकित्सकको लापरवाहीका कारण उक्त घटना घटेको भन्दै आफ्न्त आन्दोलनरत छन् ।
राति ८ बजे उनलाई अस्पताल पुर्याएको तर चिकित्सकले शल्यक्रियामा लापरवाही गरेको भन्दै आफन्त अस्पताल परिसरमा आन्दोलनरत छन् । शल्यक्रिया संलग्न चिकित्सकलाई अस्पतालले फरार गराएको परिवारको आरोप छ ।
उता अस्पताल प्रशासनले भने तजवुलको अवस्था सिकिस्त भएपछि अस्पताल ल्याइएको र अन्य कुनै पनि अस्पतालले भर्ना नलिएको अवस्थामा पनि आफूहरुले शल्यक्रिया गराएपनि उनलाई बचाउन नसकेको बताएको छ । त्यस्तै उनलाई चम्की रोग र जण्डिस समेत भएको अस्पतालले जनाएको छ ।
तजवुलको शल्यक्रिया अनुभवि चिकित्सकले गरेका कारण शल्यक्रियामा कुनै पनि कमजोरी नभएको अस्पतालको दाबी छ ।
- रावावादीको कार्यक्रमस्थलमा टियर ग्यास हानेको भनिएको भिडियो ‘डिपफेक’ भिडियो होः प्रहरी
- टोखामा ट्रकमा भेटिएको २५ करोडका मालिक सिन्धुपाल्चोकका नारायण पौडेल
- पत्रकार सुरेश रजकको पोस्टर्माटम सकियोः गोली भेटिएन, श्वास नलीमा धुँवाको मुस्लो छिरेपछि मृत्यु
- नेपाल र थाइल्याण्डबीचको आपसी सम्बन्ध नयाँ उचाइमा पुगेको छः प्रधानमन्त्री ओली
- रवीन्द्र र धवलसहित ४१ जनालाई म्याद थपका लागि लगिँदै
- २३ अङ्कले बढ्यो नेप्से परिसूचक
- कति छन् शिक्षक आन्दोलनमा शिक्षकहरू ? (ड्रोन भ्यू)
- काठमाडौँमा शिक्षकहरुको आन्दोलन (तस्विरहरु)
