भारतलाई स्तब्ध पार्दै अष्ट्रेलिया बन्यो छैठौंपटक विश्व च्याम्पियन

काठमाडौं । अष्ट्रेलियाले घरेलु टोली भारतलाई हराउँदै छैठौंपटक एक दिवसीय विश्वकप क्रिकेटको उपाधि जितेको छ ।

हैदराबादमा भएको फाइनल भिडन्तमा भारतले उपाधिका लागि २४१ रनको लक्ष्य दिएको थियो । अष्ट्रेलियाले ४३ ओभरमा मात्र ४ विकेट गुमाएर लक्ष्य पूरा गर्योे । अष्ट्रेलियाका लागि ट्राविस हेडले तेस्रो विकेटका लागि मार्नश लाबुेशेनसँग १९२ रनको साझेदारी गरे । जितका लागि मात्र २ रन चाहिएको बेला उनी १३७ रन बनाएर आउट भए ।

यसअघि भारतले बिराट कोहली र केएल राहुलको अर्धशतकीय पारीको खेल्दै निर्धारित ५० ओभरमा सबै विकेट गुमाएर २४० रन बनाएको थियो ।

 भारत तेस्रोपटक र अस्ट्रेलिया छैटौँपटक विश्वकप जित्ने प्रयाशमा रहेका थिए । अस्ट्रेलियाले टस जितेर पहिला भारतलाई ब्याटिङ गर्ने जिम्मा दिएको थियो । भारतले निर्धारित ५० ओभरमा सबै विकेट गुमाएर २४० रन जोड्यो ।

भारतका लागि केएल राहुलले ६६ र विराट कोहलीले ५४ रन बनाएका थिए । हरेक चार वर्षमा आयोजना हुने एकदिवशीय विश्वकप अस्ट्रेलियाले यसअघि सन् १९८७, १९९९, २००३, २००७ र २०१५ मा जितेको थियो ।