टिकटक प्रतिबन्ध विरुद्ध सर्वोच्चमा ९ रिट दायर : सोमबारका लागि तोकियो पेशी
टिकटकमाथि लगाएको प्रतिवन्ध विरुद्ध दर्ता भएका रिटका लागि पहिलो पेशी सोमबारका लागि तोकिएको छ ।
नेपाल सरकारले टिकटकले सामाजिक सद्भाव खल्बलाएको भन्दै टिकटक बन्द गराएको थियो । नेपाल सरकारको उक्त निर्णयउपर वरिष्ठ अधिवक्ता दिनेश त्रिपाठी, अधिवक्ता स्वागत नेपाल, जगन्नाथ दुलाल लगायत नाै जनाले सर्वोच्च अदालतमा रिट दायर गरेकाे सर्वोच्च अदालतका सूचना अधिकारी गोविन्द प्रसाद घिमिरेले बताए ।
तिहार सकिएर कार्यालय खुलेकै दिन आधा दर्जन बढी रिट परेपछि शनिबार सार्वजनिक बिदा, आइतबार छठ पर्व भएकाले उक्त रिटको पहिलो पेशी सोमबारका लागि तोकिएको हो ।
सार्वजनिक शिष्टाचार विरुद्धका कसुरहरु धेरै भएको र टिकटक कम्पनीले टिकटकबाट हुने अपराध न्युनिकरण र दोषीमाथिको कारवाही प्रक्रियामा सहयोग नपुराएको भन्दै सरकारले नेपालमा तत्कालका लागि टिकटक बन्द गर्ने निर्णय लिएको थियो ।
गत कात्तिक २७ गतेको मन्त्रिपरिषद् बैठकबाट टिकटकमा प्रतिबन्ध लगाउने निर्णय भएसँगै नेपालका अधिकांश इन्टरनेट सेवा प्रदायकहरुले टिकटक नचल्ने बनाएका छन् ।
- डढेलोमा परी पाँचथरमा एक युवतीको मृत्यु, चार घाइते
- दक्षिण कोरियाका राष्ट्रपतिमाथिको महाअभियोग संवैधानिक अदालतबाट सदर
- बिम्स्टेक सम्मेलन आज प्रधानमन्त्री ओलीले सम्बोधन गर्ने, आजै भारतीय प्रधानमन्त्री मोदीसँग भेटवार्ता
- किन बढ्दै छ, वायु प्रदूषण ? कति हानिकारक ?
- महानगरमा भएको रमिताको अन्तर्य !
- आजका कुराः दिउँसोभर के के भयो ?
- अपहरणमा परेकी सात वर्षीया बालिकाको सकुशल उद्धार
- तराई–मधेशकेन्द्रित ७ राजनीतिक दलद्वारा ‘संघीय लोकतान्त्रिक मोर्चा’ गठन
