सिधाकुरा विशेष

पोखरा अन्तराष्ट्रिय विमानस्थल निर्माणमा १४ अर्ब भ्रष्टाचार !

सिधाकुरा

बिहीबार, वैशाख ४, २०८२

काठमाडौँ । २५ अर्ब ऋणमा बनेको पोखरा अन्तराष्ट्रिय विमानस्थल निर्माणमै करिब १४ अर्ब भ्रष्टाचार भएको संसदीय छानबिन उपसमितिले निष्कर्ष निकालेको छ । विमानस्थल निमार्णका क्रममा माटो बोक्ने देखि एसी जोड्ने, डाँडा काट्ने देखि धावनमार्ग नै कम उचाईको बनाएर १३ अर्ब ५६ करोड बढी भ्रष्टाचार भएको निष्कर्ष सार्वजनिक लेखा समिति अन्तर्गतको उपसमितिले निकालेको हो । अहिलेको अमेरिकी डलरको मूल्य अनुसार भ्रष्टाचार भएको रकम १५ अर्ब बढी हुन्छ ।

राप्रपा अध्यक्ष राजेन्द्र लिङ्देनको संयोजकत्वमा गठित उपसमितिले पोखरा विमानस्थलमा निर्माणका क्रममा नीतिगत निर्णयको आवरणमा चरणवद्ध रूपमा लुट मच्चाउँदै भ्रष्टाचार गरेको निष्कर्ष निकालेको हो । र हाल नागरिक उडड्ययन प्राधिरकणका महानिर्देशक रहेका प्रदीप अधिकारीलाई निलम्बन गरी अनुसन्धान गर्न उपसमितिले सिफारिस समेत गरेको छ ।

सिधाकुरालाई प्राप्त भएको प्रविदेनमा झण्डै एक दर्जन शिर्षकमा पोखरा अन्तराष्ट्रिय विमानस्थल निमार्णका नाममा १४ अर्ब बढी अनियमितता तथा भ्रष्टाचार भएको उल्लेख गरिएका छन्। समितिका सदस्यहरुले हस्ताक्षर गर्ने क्रममा रहेको प्रतिवेदनमा के छ त ? भिडियोमा हेर्नुहोस् ।

प्रकाशित मिति: बिहीबार, वैशाख ४, २०८२

प्रतिक्रिया दिनुहोस्