'सरकारले आफ्नो अक्षमता ढाक्न महानगरमा प्रशासकीय अधिकृत पठाएर नाटक मञ्चन गर्याे'
काठमाडौँ । काठमाडौँ महानगरपालिकाका मेयर बालेन शाहको सचिवालयले सरकारले आफ्नो अक्षमता ढाक्न प्रमुख प्रशासकीय अधिकृतलाई बलजफ्ती महानगरमा पठाएको बताएको छ । शाहका प्रमुख स्वकिय सचिव भुपदेव शाहले तीनकुने घटनामा भएको सरकारको कमजोरी ढाकछोप गर्न सरकारले महानगरमा प्रमुख प्रशासकीय अधिकृत पठाएको बताएका हुन् ।
‘चैत १५ गते तीनकुनेमा जुन दमन गरेको छ त्यसमा सरकारको अक्षमतालाई ढाक्नका लागि र विषयान्तर गर्नका लागि आज महानगरमा दमन गरिएको हो ।’, शाहले भने ।
त्यस्तै बिहिबार महानगरमा भेला भएर प्रमुख प्रशासकीय अधिकृतलाई हाजिर गराउनेहरु भोलि उनी दोषी ठहरिए उनीसँगै जेल जान तयार रहनुपर्ने उनको भनाई छ । ‘आज जोजो भेला भएर अनुसन्धानमा रहेको मान्छेलाई हाजिर गराउनुभएको छ, भोलि उहाँलाई अख्तियारले छानबिन गर्दै छ, मन्त्रालयले छानबिन गर्ला । उहाँ दोषी देखिनुभयो भने आज हाजिर गराउने साझेदारहरु पनि जेल जाने हो कि हैन ?’, शाहले प्रश्न गरे ।
काठमाडौँ महानगरपालिकाका प्रमुख प्रशासकीय अधिकृत सरोज गुरागाईँले ३ महिनापछि बिहिबार जिम्मेवारी सम्हालेका छन् । बिहिबार वडाध्यक्ष र कर्मचारीले मिलेर गुरागाईँलाई कार्यालय प्रवेश गराएका थिए भने उपप्रमुखको नेतृत्वमा बैठक बसेर उनलाई जिम्मेवारीमा फर्काइएको हो ।
नेपाल सरकारका सहसचिव रहेका उनलाई महानगरले काठमाडौँ भ्यू टावरको नक्सा विवादमा जिम्मेवारीबाट हटाएको थियो । यसबिचमा सरकारले महानगरमा प्रमुख प्रशासकीय अधिकृत पठाउन इन्कार गरेको थियो भने महानगरका मेयर सरकारप्रति रुष्ट थिए ।
सोही कारण महानगरका कर्मचारीको ३ महिनायताको तलब समेत रोकिएको थियो । सोही बिचमा कर्मचारी र वडाध्यक्ष मिलेर उनलाई कार्यालय प्रवेश गराएका हुन् ।
हावाको गति बढेसँगै घट्न थाल्यो प्रदूषणको मात्रा
हावाको गति बढेसँगै आज वायु प्रदूषणको मात्रा पनि घटेको छ । केही दिनयता विश्वकै पहिलो प्रदूषित सहरको रूपमा सूचीकृत भएको काठमाडौँ उपत्यका आज भने प्रदूषणको मात्रा घटेर सातौँ... शुक्रबार, चैत २२, २०८१
‘समृद्ध नेपाल, सुखी नेपाली’ बिम्स्टेकका अन्तरवस्तुसँग गहिरोसँग प्रतिध्वनित हुन्छः प्रधानमन्त्री ओली
थाइल्याण्डको बैंककस्थित होटल साड्ग्रिलामा सुरु भएको बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) शिखर सम्मेलनमा सम्बोधन गर्दै प्रधानमन्त्री ओलीले समृद्धि, लचिलो र खुलापनजस्ता बिम्स्टेक सम्मेलनका... शुक्रबार, चैत २२, २०८१
थामिनसक्नुको भिड भएपछि अल्टिमाको 'इयरबड्स ३६०' अफर स्थगित
अफरको फाइद उठाउन उपस्थित भएका युवाहरुले केहि बेर नाराबाजी समेत गरेका थिए । भिडभाढ ठुलो भएपछि सुरक्षाचुनौती थपिएकाले व्यवस्थापनमा समस्या भएको अल्टिमाले जनाएको छ । सु शुक्रबार, चैत २२, २०८१
बिम्स्टेक शिखर सम्मेलन सुरु
शिखर सम्मेलनमा ‘बिम्स्टेक म्यारिटाइम ट्रान्सपोर्ट कोअपरेसन’मा हस्ताक्षरपछि सदस्य मुलुकहरु थाइल्याण्ड, बङ्गलादेश, भूटान, भारत, म्यान्मार, नेपाल र श्रीलङ्काका प्रधानमन्त्री (प्रतिनिधिमण्डलका नेता)हरुले सम्बोधन गर्नेछन् । शुक्रबार, चैत २२, २०८१- हावाको गति बढेसँगै घट्न थाल्यो प्रदूषणको मात्रा
- ‘समृद्ध नेपाल, सुखी नेपाली’ बिम्स्टेकका अन्तरवस्तुसँग गहिरोसँग प्रतिध्वनित हुन्छः प्रधानमन्त्री ओली
- थामिनसक्नुको भिड भएपछि अल्टिमाको 'इयरबड्स ३६०' अफर स्थगित
- बिम्स्टेक शिखर सम्मेलन सुरु
- डढेलोमा परी पाँचथरमा एक युवतीको मृत्यु, चार घाइते
- दक्षिण कोरियाका राष्ट्रपतिमाथिको महाअभियोग संवैधानिक अदालतबाट सदर
- बिम्स्टेक सम्मेलन आज प्रधानमन्त्री ओलीले सम्बोधन गर्ने, आजै भारतीय प्रधानमन्त्री मोदीसँग भेटवार्ता
- किन बढ्दै छ, वायु प्रदूषण ? कति हानिकारक ?
