त्रिकोणात्मक टी- २० श्रृंखला: यूएईविरुद्ध टस हारेर ब्याटिङ गर्दै नेपाल

काठमाडौं । त्रिकोणात्मक टी २० श्रृंखलाअन्तरगत फाइनल खेलमा आज नेपालले यूएईविरुद्ध खेलिरहेको छ । त्रिवि क्रिकेट मैदानमा नेपालले टस हारेर पहिलो ब्याटिङ गरिरहेको छ । 

उपाधिका लागि नेपाल र यूएईले प्रतिस्पर्धा गरिरहेका छन् । यसअघिका लिग चरणका खेलहरु मुलपानी क्रिकेट मैदानमा खेलाइएको थियो ।

घरेलु टोली नेपाल लिग चरणमा अपराजित रहँदै फाइनल खेल्न लागेको हो । नेपालले समूह चरण ४ वटै खेल जितेर फाइनलमा पुगेको हो । नेपालले लिग चरणमा यूएईलाई ७ र ५ विकेट तथा हङकङलाई ६ विकेट र ७९ रनले हराएको थियो ।

यूएईले भने लिग चरणको एक खेल मात्र जितेको थियो । हङकङसँग फराकिलो हारका बाबजुद रनरेटका आधारमा यूएईले फाइनलमा स्थान बनाएको हो ।