जनताको धैर्यता र सहनशीलताको सीमालाई पार नगर्न पूर्वराजालाई निधिकाे चेतावनी

काठमाडौँ । नेपाली कांग्रेसका सांसद विमलेन्द्र निधिले जनताको धैर्यता र सहनशीलताको सीमालाई पार नगर्न पूर्वराजालाई सचेत गराएका छन् । 

बुधबार प्रतिनिधिसभाको विशेष समयमा बोल्दै निधिले पूर्वराजालाई जनताले सम्मान दिएको भन्दै जनताको धैर्यता र सहनशीलताको सीमालाई पार नगर्न पूर्वराजालाई सचेत गराएका हुन् । गणतन्त्रको जग बलियो भएकाले कुनै पनि हालतमा नेपालमा राजतन्त्र नफर्किने उनले बताए । उनले गणतन्त्रीक व्यवस्थाको रक्षाका लागि जे पनि गर्न तयार रहेको बताए । निधिले देशको अन्तिम राजा ज्ञानेन्द्र शाह भएको बताए ।

त्यस्तै उनले संघीयताको सफल कार्यान्वयनका लागि सातवटै प्रदेशलाई आफ्नै प्रहरी सङ्गठन र कर्मचारी बनाउने अधिकार दिनुपर्ने धारणा राखे  ।