नेभिगेशन
मुख्य समाचार

पोखरा बेलुन विष्फोट घटनाः छानबिन समितिले गृहमन्त्रीलाई बुझाएको प्रतिवेदनमा के छ ?

काठमाण्डौँ । पोखरामा आयोजित ‘पोखरा भ्रमण वर्ष, २०२५’ उद्घाटन समारोहमा भएको बेलुन विस्फोटका विषयको अनुसन्धान गर्न गठिन छानबिन समितिले आज गृहमन्त्री रमेश लेखकलाई प्रतिवेदन बुझाएको छ ।
    
भ्रमण वर्ष उद्घाटनका क्रममा उपप्रधानमन्त्री तथा अर्थमन्त्री विष्णु पौडेल र पोखराका प्रमुख धनराज आचार्य घाइते भएका थिए । घटनालगत्तै गृहमन्त्री लेखकले मन्त्रीस्तरको निर्णय गर्दै कास्कीका प्रमुख जिल्ला अधिकारी भरतमणि पाण्डेको संयोजकत्वमा आठ सदस्यीय छानबिन समिति गठन गरेका थिए । 

समितिले घटनाको विस्तृत छानबिन गरी र आगामी दिनमा यसप्रकारका घटना दोहोरिन नदिन पूर्वसर्तकता र अवलम्बन गर्नुपर्ने उपायसहितको प्रतिवेदन बुझाएको गृह मन्त्रालयले जनाएको छ ।

प्रतिवेदन बुझ्दै गृहमन्त्री लेखकले प्रतिवेदनमा उल्लेख भएका विषय कार्यान्वयनका लागि गृहसचिव गोकर्णमणि दुवाडीलाई निर्देशन  दिए । 
    
समितिले विशिष्ट व्यक्तिहरूको सहभागिता रहने कार्यक्रममा विशिष्ट व्यक्ति स्वयंले संवेदनशीलता ख्याल गर्नुपर्ने, सुरक्षालाई भन्दा उपस्थितिलाई मात्र प्राथमिकता दिने प्रवृत्तिलाई निरूत्साहित गर्नुपर्ने, मञ्चका कार्यक्रममा प्रज्वलनशील पदार्थको प्रयोग गर्न पूर्ण रूपमा रोक लगाउनुपर्ने र प्रविधिका नाउँमा जोखिम मूल्याङ्कन नगरी कुनै कार्यक्रम औपचारिक समारोहमा समावेश गर्न नहुनेलगायत सुझावसहितको विषय समेटिएको छ ।
    
त्यसका साथै भविष्यमा यस प्रकारका घटना हुन नदिन सुधार गर्नुपर्ने विषयसमेत प्रतिवेदनमा उल्लेख गरिएको छ । जसमा विस्फोटक रसायन र प्रज्वलनशील पदार्थको अनधिकृत आपूर्ति तथा उपयोगमा बन्देज लगाउनुपर्ने, यस्ता प्रकृतिका कार्यक्रम आयोजना गर्नुपूर्व अनुमति लिने क्रममा स्थानीय प्रशासनलाई कार्यक्रमको रूपरेखा उपलब्ध गराउनुपर्ने व्यवस्था मिलाउनुपर्ने, कार्यक्रममा सुरक्षा मापदण्डलाई ध्यानमा राखी सुरक्षित विकल्पको उपयोग गर्न सुझाव दिइएको छ । 

त्यसैगरी बेलुन उडाउन आवश्यक भएमा अप्रज्वलनशील हिलियम ग्यास प्रयोग गर्ने, यस्ता प्रकृतिका कार्यक्रममा अनुमतिबिना आतिसबाजी तथा विष्फोटक रसायनको प्रयोगलाई पूर्णतः बन्देज लगाउनुपर्ने र सार्वजनिक कार्यक्रममा सहभागी हुने विशिष्ट÷अतिविशिष्ट व्यक्तिल आफू सहभागी हुने सार्वजनिक कार्यक्रमको सञ्चालन र व्यवस्थापनबारे अग्रिम जानकारी लिइ सुरक्षाको सुनिश्चितता भई कार्यक्रममा उपस्थिति हुने संस्कारको विकास गर्नुपर्नेलगायत विषय सुधार गर्न भनिएको छ ।

कार्यक्रम सञ्चालनपूर्व आयोजक पक्षबाट योजना बनाउने र सरोकारवाला निकायसँग निरन्तर रूपमा प्रभावकारी समन्वय गर्नुपर्ने, सार्वजनिक कार्यक्रमहरू (सभा, सम्मेलन, मेला, महोत्सव, प्रदर्शनी, र्‍यालीलगायत कार्यक्रम) सञ्चालन गर्ने सन्दर्भमा सुरक्षा व्यवस्था, विपद् व्यवस्थापन, कार्यक्रम सञ्चालन विधिलगायत विषयसमेत समेट्नेगरी स्पष्ट कार्यविधिरमापदण्ड तर्जुमा गर्नुपर्ने समितिको सुझाव छ ।

प्रकाशित मिति:
प्रतिक्रिया दिनुहोस्
थप मुख्य समाचार
प्रशासनभन्दा पावरफूल ओभरलोडेड चुनढुङ्गाका टिपरहरु, प्रहरी प्रशासन मौन बस्दा असुरक्षित बन्दै मकवानपुरका सडक 

प्रशासनभन्दा पावरफूल ओभरलोडेड चुनढुङ्गाका टिपरहरु, प्रहरी प्रशासन मौन बस्दा असुरक्षित बन्दै मकवानपुरका सडक 

कार्वाही नियमनभन्दा बाहिर रहेका र पहुँचका आधारमा कार्वाही गर्न नसकिएका ओभरलोड बोकेका यस्ता टिपरहरुको विषयमा व्यापक जनगुनासो आएपछि हामी जिल्ला ट्राफिक प्रहरी कार्यालय अगाडी हिजो दिनभरजसो क्यामेरा लिएर...
ढुक्क हुनुहोस् लोडसेडिङ हुँदैन, हल्लाको पछि नदौडिऔँः कुलमान घिसिङ

ढुक्क हुनुहोस् लोडसेडिङ हुँदैन, हल्लाको पछि नदौडिऔँः कुलमान घिसिङ

कुलेखानी, माथिल्लो तामाकोशी, मध्यमस्र्याङ्दी, मस्र्याङ्दी, चिलिमे, साञ्जेनजस्ता धेरै आयोजनाहरु राति चल्ने भएकाले लोडसेडिङ हुने हल्लामा नदौडिन पनि उनले आग्रह गरे । 
युवतीको अन्तरङ्ग भिडियो परिवार र आफन्तको म्यासेन्जरमा पुगेपछि...

युवतीको अन्तरङ्ग भिडियो परिवार र आफन्तको म्यासेन्जरमा पुगेपछि...

यसरी ती युवकले आफ्नो चरित्र हत्या गरेको भन्दै पीडित महिलाले साइबर ब्यूरोमा उजुरी दिएक थिइन् । उनको उजुरी रायलाई पक्राउ गरि विद्युतीय कारोबार ऐन, २०६३ अन्तर्गतको कसूरमा जिल्ला...
भर्खरै