एसईईको सम्पूर्ण जिम्मेवारीबाट पन्छियो मधेस सरकार

जनकपुरधाम । माध्यमिक शिक्षा परिक्षा (एसईई) को सम्पूर्ण जिम्मेवारीबाट मधेश प्रदेश सरकार बाहिरिएको छ ।

सोमबार एक पत्रकार सम्मेलन गर्दै मुख्यमन्त्री सतिशकुमार सिंह र शिक्षामन्त्री रानी शार्मा तिवारीले आफूहरु एसइईको सम्पूर्ण प्रक्रियाबाट बाहिरिएको जनाएका हुन् । आउदो बिहीबारदेखि सुरु हुन लागेको परीक्षामा प्रदेश सरकारले दिएको निर्देशन नमानेको भन्दै परीक्षा प्रक्रियाबाट प्रदेश सरकार बाहिरिएको हो।

प्रदेश सरकारले केन्द्राध्यक्ष गोला प्रथाबाट चयन गर्न निर्देशन दिएकोमा शिक्षा समन्वय इकाई लगायत शैक्षिक संस्थाहरूले नमानेपछि सरकार बाहिरिन बाध्य भएको जनाइएको छ ।

प्रदेश सरकारले हात झिकेसँगै प्रदेश सरकारबाट परिक्षामा हुने सम्पूर्ण सहयोग, व्यवस्थापन, अनुगमन, निरीक्षण लगायतका काम नहुने भएका छन् । यसले आगामी परिक्षा कस्तो हुने हो भन्ने प्रश्न उठाएको छ ।