प्रचण्डको फोटो जलाउने राप्रपा नेता पक्राउ, प्रचण्ड भन्छन्ः 'गिरफ्तार गर्नु उचित हुँदैन'

काठमाडौँ । नेकपा माओवादी केन्द्रका अध्यक्ष तथा पूूर्वप्रधानमन्त्री पुष्पकमल दाहाल प्रचण्डको तस्बिर जलाएको आरोपमा राप्रपाका नेता पक्राउ परेका छन् । शनिबार हेटौँडामा प्रचण्डको तस्बिर जलाएका राप्रपाका नेता निराजन बमलाई आइतबार प्रहरीले चितवनबाट पक्राउ गरेको थियो । 

तस्बिर जलाएकोमा पक्राउ गर्दा सामाजिक संजालमा सरकार र प्रचण्डको आलोचना सुरु भएको थियो । त्यसपछि प्रचण्डले भने सामाजिक संजालबाट प्रतिक्रिया दिएका छन् । उनले आफ्नो फोटो जलाउनुलाई लोकतन्त्रमा विरोधका विभिन्न रूप भन्दै टिप्पणी गरेका छन्। प्रचण्डले भनेका छन्,लोकतन्त्रमा विरोधका विभिन्न रूप हुन्छन्।

फोटो जलाउँदैमा गिरफ्तार गर्नु उचित हुँदैन । पक्राउ परेका बम राप्रपानिकट राष्ट्रिय प्रजातान्त्रिक युवा संगठनका नेता हुन्।