रौतहटमा मोटरसाइकल दुर्घटना, ३ जना घाइते

गरुडा । रौतहटको गरुडा नगरपालिका १ स्थित जयनगरमा आज अपराह्न भएको दुर्घटनामा ३ जना घाइते भएका छ्न ।  

दिपहीबाट जयनगरतर्फ आउँदै गरेको बा ३३ प २७११ नम्बरको मोटरसाइकल जयनगरबाट दिपही तर्फ जादै गरेको बि आर ३० एन ७२२६  नम्बरको मोटरसाइकल एक आपसमा ठोक्किँदा ३ जना घाइते भएका हुन् । 

घाइते हुनेहरुमध्ये देवाहीगोनाही नगरपालिका ६ बस्ने अनिल पटेलको गर्दनमा चोट लागेको छ भने  विनय कुमार यादवको टाउकोमा चोट लागेको छ । 

त्यस्तै परोहा नगरपालिका ४ बस्ने ४० बर्षका जितेन्द्र राय यादव टाउकोमा गहिरो चोट लागेको छ । प्रहरीका अनुसार उनीहरुले मापसे गरेर सवारी चलाएको पाइएको छ । घाइतेहरुको गरुडास्थित सन्जीवनी अस्पतालमा उपचार चलिरहेको छ  ।