प्रधानमन्त्री ओलीको बोली राखेको भन्दै भोलीबाट प्रदर्शन गर्ने भनिएको 'राजागंज'को सेन्सर रोकियो 

काठमाडौं । प्रधानमन्त्री केपी शर्मा ओलीको बोली प्रयोग गरेकै कारण केन्द्रीय चलचित्र जाँच समिति (सेन्सर बोर्ड)ले भोलीबाट प्रदर्शनमा आउन लागेको फिल्म ‘राजागंज’को सेन्सर नै रोकेको छ । 

फिल्मका निर्देशक दीपक रौनियारका अनुसार एक सातादेखी प्रदर्शन अनुमतिका लागि पर्खिएपनि अन्तिम अवस्थामा आएर चलचित्रमा प्रयोग भएको प्रधानमन्त्री केपी शर्मा ओलीको बोलीलाई हटाउन भनिएको छ । 
साथै चलचित्रमा वर्णको कुरा राख्न नपाइने भनिएको छ। 

चलचित्र टिमका अनुसार सेन्सर बोर्डले भनेको दृश्य हटाउँदा चलचित्रको मर्मनै हराउने छ । बोर्डका एक सदस्यले भने प्रधानमन्त्रीले बोलेको कुरा राख्न प्रधानमन्त्री ओलीको अनुमती टिमले लिए सेन्सर पास गरिने छ । 

राजागंजको ट्रेलरमा प्रधानमन्त्री ओलीले २०७२ भदौमा दिएको एक संवाद राखिएको छ । उक्त संवादमा प्रधानमन्त्री ओलीले रुखबाट झरेका केही आँपको भनिरहेको सुनिन्छ ।