नेताहरुलाई राप्रपा सांसदको चेतावनीः २५ गते ‘ट्रायल’ मात्रै हो, लुक्ने ठाउँ खोजेर बस्नुहोला 

काठमाडौं । राष्ट्रिय प्रजातन्त्र पार्टी (राप्रपा) ले फागुन २५ गते फागुनमा काठमाडौंमा पूर्वराजा ज्ञानेन्द्र शाहको समर्थनमा देखिएको भिड ‘ट्रायल’ मात्रै भएको जनाएको छ ।

मंगलबारको संसद बैठकमा बोल्दै राप्रपाकी सांसद सांसद रोशन कार्कीले २५ गतेको प्रदर्शन ट्रायलमात्रै भएको बताउँदै अन्य ७३ जिल्लाका जनता सडक उत्रिएमा गणतन्त्रका नेताहरूलाई लुक्ने ठाउँ समेत नहुने बताइन् ।

उनले भनिन्,‘एक जना मित्रले के भन्नुभयो भने राजाको जयजयकार गरेको र नेताहरू जिल्लामा जाँदा मुर्दावाद भनेको उहाँले सुन्नुभएको थिएन होला,’ कार्कीले भनिन्, ‘मित्र यो त ट्रायल मात्रै हो । अरु जिल्लाका मान्छे थपिए, अर ७३ जिल्लाका मान्छे थपिए भने त्यो देखेर नआत्तिनुहोला ।’

उनले त्यतिबेला लुक्ने ठाउँ अहिले नै खोजेर बस्न समेत आग्रह गरिन् । ‘लुक्ने ठाउँ अहिले नै खोजेर बस्नुहोला,’ कार्कीको आग्रह छ ।