काठमाडौँको चन्द्रागिरिस्थित प्लाष्टिक कारखानामा आगलागी
काठमाडौँ । काठमाडौँको चन्द्रागिरि नगरपालिका–१० बोसीगाँउस्थित आरएमबी प्लाष्टिक प्याकेजिङ कारखानामा आज आगलागी भएको छ । पुष्पा श्रेष्ठ र रमेश पोदारले संयुक्त रुपमा सञ्चालन गरेको सो कारखानामा आगलागी भएको हो ।
आगलागी नियन्त्रणमा प्रहरी वृत्त बालाजु, प्रहरी वृत्त थानकोट, प्रभागबाट ३२ जनाको टोली खटिएको छ । आगलागी नियन्त्रणमा आएको जिल्ला प्रहरी परिसर काठमाडौँका प्रवक्ता, प्रहरी उपरीक्षक अपीलराज बोहराले जानकारी दिए ।
आगो निभाउन सशस्त्र प्रहरी बल तथा स्थानीय समेत खटिएका थिए । प्लाष्टिक कारखाना जलेर नष्ट भएको तथा क्षतिको विवरण आउन बाँकी रहेको उनले बताए। आगो निभाउन सातवटा दमकल तथा १५ पानी ट्याङकर प्रयोग गरिएका थिए ।
आगो निभाउन चन्द्रागिरि नगरपालिका, विशाल बजार बारूण यन्त्रको दमकल, बालाजुको बारुण यन्त्र, ललितपुर महानगरपालिकाको दमकल, भक्तपुर नगरपालिकाको दमकल, बौद्ध रामहिटीको दमकल र बूढानीलकण्ठ नगरपालिकाको दमकल प्रयोग गरिएको प्रहरीले जनाएको छ ।
- रवीन्द्र र धवलमाथि अनुुसन्धान गर्न ४ दिन म्याद थप
- हिरासतबाट छुटे स्वागत नेपाल
- प्रतिनिधिसभा बैठक सोमबार बिहान ११ बजेसम्मका लागि स्थगित
- १८ नेपालीलाई कतारले दियो आममाफी
- रविन्द्र मिश्रलाई हतकडी लगाएर म्याद थपका लागि अदालत लगियो
- रास्वपा नेता डिपी अर्यालद्वारा राजावादीहरुले क्षति पुर्याएका स्थानको निरीक्षण
- २९ अङ्कले बढ्यो नेप्से परिसूचक
- तीनकुने घटनाको सम्पूर्ण जिम्मेवारी पूर्वराजाले लिनुपर्छः विश्वप्रकाश शर्मा
