एउटै रुखमा झुण्डिएको भेटिए अजय र जुवामुनि, विवाहेत्तर सम्बन्धमा रहेको आशंका
मोरङ । मंगलबार बिहान मोरङको पथरी शनिश्चरे ५ मौलिबारीस्थित बक्राहा खोला किनारस्थित पिठारीको रुखको एउटै हाँगोमा युवायुवती झुन्डिएको अवस्थामा मृत भेटिएका छन् ।
मृत भेटिएको युवा–युवती विवाहेत्तर सम्बन्ध रहेको प्रारम्भिक अनुसन्धानमा खुलेको छ ।
इलाका प्रहरी कार्यालय पथरीका डीएसपी मोहनविक्रम दाहालका अनुसार पथरीशनिश्चरे– ५ का अन्दाजी २४ वर्षीय अजय टुडू र झापाको गौरीगन्ज गाउँपालिका–२ घर तथा मोरङको कटहरी गाउँपालिका–६ माइती भएकी २२ वर्षीया जुवामुनि हस्दा झुन्डिएको अवस्थामा भेटिएका मृत फेला परेका थिए । विवाहित रहेको दुवै जनाको आआफ्नै परिवार रहेको थियो ।
मृत फेला परेकी युवती जुवामुनिका श्रीमान् कान्छा टुडू वैदेशिक रोजगारीको सिलसिलामा विदेशमा रहेका छन् भने उनका डेढ वर्षका एक छोरा समेत रहेका छन् ।
यस्तै उनीसँगै मृत भेटिएका अजयकी पनि श्रीमती सहित २ र ४ वर्षका दुई छोरा रहेको प्रहरीले जनाएको छ ।
प्रहरीका अनुसार अजय र जुवामुनि यस अघि घरमा आउजाउ गर्ने गरेको र नियमित सम्पर्कमा रहेको देखिएको छ । केहि दिन अघि अजयले जुवामुनिलाई घरमै ल्याएर आएका थिए । घटनाको थप अनुसन्धान भैरहेको प्रहरीले जनाएको छ ।
- थामिनसक्नुको भिड भएपछि अल्टिमाको 'इयरबड्स ३६०' अफर स्थगित
- बिम्स्टेक शिखर सम्मेलन सुरु
- डढेलोमा परी पाँचथरमा एक युवतीको मृत्यु, चार घाइते
- दक्षिण कोरियाका राष्ट्रपतिमाथिको महाअभियोग संवैधानिक अदालतबाट सदर
- बिम्स्टेक सम्मेलन आज प्रधानमन्त्री ओलीले सम्बोधन गर्ने, आजै भारतीय प्रधानमन्त्री मोदीसँग भेटवार्ता
- किन बढ्दै छ, वायु प्रदूषण ? कति हानिकारक ?
- महानगरमा भएको रमिताको अन्तर्य !
- आजका कुराः दिउँसोभर के के भयो ?
