पर्साको नेपाल राष्ट्रिय माविका ३ दर्जन बढी विद्यार्थी बेहोस
काठमाडौँ । पर्साको एक विद्यालयमा ३ दर्जन बढी विद्यार्थी बेहोस भएका छन् । जिल्लाको कालिकामाई गाउँपालिका–४ स्थित नेपाल राष्ट्रिय माध्यमिक विद्यालय कटिबलुवाका विद्यार्थीहरू सोमबार अचानक बेहोस भएका हुन् ।
पठनपाठनका लागि कक्षाकोठामा जाने समयमा एकपछि अर्को गरि विद्यार्थीहरू अचानक बेहोस भएपछि विद्यालयका शिक्षक अभिभावकहरू आत्तिएका थिए । विद्यालयका अनुसार बेहोस हुने विद्यार्थीहरूको संख्या तीनदर्जन भन्दा बढी रहेको छ । बेहोस भएका विद्यार्थीलाई पोखरिया अस्पतालमा उपचारका लागि पठाइएको छ ।
विद्यालयका शिक्षकका अनुसार विद्यार्थीहरूले अचानक टाउको दुख्ने, कमजोरी महसुस भएको बताएको केही समयपछि एकाएक बेहोस भएर भुइँमा ढल्न थालेका थिए ।
बिहानीको समयमा खेलमैदानमा प्रार्थना गरेर कक्षाकोठामा जान लाग्दा उनीहरु बेहोस भएको इलका प्रहरी कार्यालय पोखरीयाले जनाएको छ । बेहोस हुनेमा कक्षा ५ देखी कक्षा ९ सम्मका विद्यार्थीहरू रहेका छन् । घटनापछि विद्यालयका शिक्षक, कर्मचारी तथा स्थानीय अभिभावकहरूले विद्यार्थीहरूलाई तत्काल पोखरिया अस्पताल पुर्याएका हुन् ।
बेहोस हुनुको कारण खुुलेको छैन ।
- ज्ञानेन्द्र शाह जेल जान्छन ? तीनकुने घटनाको जिम्मेवार को को ?
- राजावादीको तीनकुने आन्दोलनपछि किन विवादमा तानीय प्रवुद्ध समूह ?
- ट्याक्टर दुर्घटना हुँदा एकको मृत्यु, २७ घाइते
- त्रिविका उपकुलपति केशरजंग बरालले दिए राजीनामा
- 'राजालाई पक्राउ गरेर देखाउ, अनि शक्ति हामी देखाउँछौ': राजेन्द्र लिङ्देन
- 'तीनकुने घटनाको जिम्मेवार सरकार हो, पक्राउ गरिएको सबैलाई २४ घण्टामा छोडियोस्': राप्रपा
- तीनकुने घटनामा ज्यान गुमाएका महर्जन र रजकलाई शहिद घोषणा गर्न राप्रपाको माग
- पूर्वराजालाई जरिवाना तोक्ने निर्णय फिर्ता लिन बालेनलाई कमल थापाको आग्रह
