होशियार ! पेट्रोल पम्पले कम तेल देलान्, भ्याली बाबा पेट्रोल पम्पको ठगि धन्दा बाहिरियो
काठमाडाैँ : काठमाडौँको गैरीगाउँस्थित भ्याली बाबा सप्लायर्स (पेट्रोल पम्प)ले मात्रा भन्दा कम पेट्रोल विक्री गर्ने गरेको पाइएको छ । पम्पले प्रतिलिटरकै हिसाबमा पैसा लिने भएपनि कम तेल दिने गरेको भेटिएको हो ।
प्रधानमन्त्री कार्यालय, नापतौल तथा गुणस्तर विभाग, राष्ट्रिय सतर्कता केन्द्र र नेपाल आयल निगमको संयुक्त टोलीले पम्पमा अनुगमन गर्दा पम्पको ठगि बाहिर आएको हो ।
अनुगमनमा पुगेको टोलीले ३ पटकसम्म तेल भर्न लगाएको थियो तर दुई पटकसम्म लिटरभन्दा कम तेल विक्री गरेको भेटिएको थियो ।
चेकजाँच गर्दा लिटरमा परिमाण कम गरेर ठगेको पाइएकाले सिल गरेको ती अधिकारीले बताए । काठमाडौंका अन्य पेट्रोल पम्पबाट पनि यस्तै गुनासो आएकाले अन्यत्र पनि अनुगमन भैरहेको प्रधानमन्त्रीको सचिवालयले जनाएको छ ।
अहिले नेपाल आयल निगमले स्वचालित प्रणाली अनुसार मुल्य घटाउँदा पेट्रोल पम्पलाई पुर्व जानकारी नदिएको भन्दै पेट्रोल पम्प बन्द गरेर आन्दोलन गरेका थिए ।
- बल्खुमा हजारौँ सुरक्षाकर्मी तैनाथ (तस्विरहरु)
- अभियन्ता सोम शर्मामाथि सांघातिक हमला, हात भाँचियाे, टाउकाेमा गम्भिर चाेट
- कबाडको अवैध निकासीले उद्योगमा कच्चा पदार्थको अभाव
- आज बल्खुमा राप्रपाको प्रदर्शनः २ हजार प्रहरी परिचालन
- तीनकुने घटनाका पीडित परिवारलाई भेटेर बालेनले भने: 'निष्पक्ष छानबिन हुनुपर्छ, परिवारलाई कानुनी उपचारमा सघाउन महानगरपालिका तयार छ'
- पिकअप भ्यान पल्टिँदा दुईको मृत्यु, २२ जना घाइते
- आज जनआन्दोलन दिवस
- ईलाका प्रशासन कार्यालय कटारीले गर्यो आफ्नै भवनबाट सेवा सुरु
