बाराको सुधार गृहमा कुटपिटबाट एक युवकको ‘हत्या’, ७ जना पक्राउ
काठमाडौँ । बाराको एक सुधार गृहमा मृत भेटिएका युवकको हत्या भएको प्रहरीको प्रारम्भिक अनुसन्धानमा देखिएको छ । जिल्लाको कलैया उपमहानगरपालिका–१ मा रहेको नवजन्म सुधार केन्द्र बिहिबार मृत फेला परेका प्रदीपप्रसाद मण्डलको हत्या भएको प्रहरीको प्रारम्भिक अनुसन्धानमा देखिएको हो ।
१९ दिन अघि सुधार केन्द्रमा भर्ना भएका कलैया–९ रामपुरका ३२ वर्षीय मण्डलको गएराति मृत्यु भएको थियो । प्रहरीले उनको शव पोस्टमार्टमका लागि शुक्रबार प्रादेशिक अस्पताल कलैया लगेको छ ।
मण्डलको मृत्यु शंकास्पद देखिएको भन्दै सुधार केन्द्रका सञ्चालकसहित सातजनालाई पक्राउ गरिएको जिल्ला प्रहरी कार्यालय बाराका प्रमुख एसपी सन्तोष तामाङले बताए । उनका अनुसार पक्राउ पर्नेमा सर्फराज मन्सुर, निरज सरार्फ, महमद आशु मियाँ शेख, अरुण शरार्फ, प्रमेश्वर साह, तमन्ना अली र सागर गुप्ता रहेका छन् ।
प्रहरीले गरेको अनुसन्धान र संकलन गरेको सिसिटिभी फुटेजमा सो सुधार केन्द्रमा ती युवकहरुले मण्डलमाथि निर्घाट कुटपिट गरेको देखिन्छ । सो कुटपिटमा संलग्न अन्य २ जना फरार रहेको प्रहरीले जनाएको छ ।
त्यस्तै घटनामाथि थप छानबिन भइरहेको प्रहरीले जनाएको छ।
- पक्राउअघि रविको भिडियो सन्देशः ‘मलाई हत्या नै गरेछन् भनेपनि नेपाली मतपत्रमा घण्टी चुनावचिन्ह बसेको छ’
- अदालतको आदेश आएको एक घण्टा पनि नबित्दै पक्राउ परे रवि लामिछाने
- म माथि ठूलो अन्याय भएको छः रवि लामिछाने
- जाजरकोटको पैङ्क केन्द्रबिन्दु भएर दुई पटक भूकम्पको धक्का
- रास्वपा सभापति लामिछानेलाई पुर्पक्षका लागि थुनामा पठाउने उच्च अदालतको आदेश
- गणतन्त्रको विकल्प राजतन्त्र हुन सक्दैनः विश्वप्रकाश शर्मा
- बँदेल मार्न थापिएको पासोमा परेर महिलाको मृत्यु, दुई जना पक्राउ
- सरकारलाई पत्याएनन् शिक्षकले, वार्तामा बस्न अस्वीकार
