नेभिगेशन
सबै कुरा

ड्युटी खटिएका प्रहरी कुट्ने अखिलका नेता जोशीलाई सात दिन हिरासतमा राख्न अनुमति

काठमाडौं । ड्युटी खटिएका प्रहरी कुट्ने नेकपा एमालेको विद्यार्थी संगठन अनेरास्ववियुका स्थायी कमिटी सदस्य कमलराज जोशीलाई सात दिन हिरासतमा राखेर अनुसन्धान गर्न प्रशासनले अनुमति दिएको छ । 


प्रहरी परिसर काठमाडौँका अनुसार ठमेलमा प्रहरी कुटेको आरोपमा बिहीबार साँझ पक्राउ परेका जोशीविरुद्ध अभद्र व्यवहारको कसुरमा अनुसन्धान गर्न जिल्ला प्रशासन कार्यालय काठमाडौंले अनुमति दिएको हो । 


जोशीको समूहले २४ माघको राति ठमेलमा ड्युटी खटिएका प्रहरी हवल्दार जगुलाल चौधरी र जवान नगेन्द्रराज बिष्टलाई कुटपिट गरेको थियो । कुटपिटको भिडियो भाइरल भएपछि मात्रै प्रहरीले आरोपितहरुलाई पक्राउ गरेको थियो । 

अन्य आरोपितहरुलाई यस अघिनै पक्राउ गरिएपनि जोशीका विरुद्ध भने प्रहरीले पक्राउ पुर्जी समेत माग गरेको थिएन । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation