भायानेटले बुझायो एकैपटक ५५ करोड बक्यौता
काठमाडौँ । इन्टरनेट सेवा प्रदायक भायानेट कम्युनिकेसन्सले नेपाल दूरसञ्चार प्राधिकरण र सञ्चार तथा सूचना प्रविधि मन्त्रालयलाई तिर्नबाँकी सबै बक्यौता तिरेको बताएको छ ।
भायानेटले २०८०/०८१ सम्मको रोयल्टी र ग्रामीण दूरसञ्चार विकास कोष ९आरटीडीएफ० गरी कुल ५५ करोड रुपैयाँ बुझाएको बताएको छ ।
दूरसञ्चार ऐन, २०५३ अनुसार इन्टरनेट सेवा प्रदायकले आम्दानीको चार प्रतिशत रोयल्टी र दुई प्रतिशत ग्रामीण दूरसञ्चार विकास कोष (आरटीडीएफ) शुल्क तिर्नुपर्ने प्रावधान छ ।
यो शुल्क इन्टरनेट बिक्री मात्रमा लाग्ने कि मर्मत सम्भार खर्चमा पनि लाग्ने भन्ने विषयमा सरकार र आईएसपीहरूबीच विवाद रहँदै आएको थियो ।
आईएसपीहरूले मर्मत सम्भार खर्चमा शुल्क नलगाउनुपर्ने अडान लिएका थिए । तर, सर्वोच्च अदालतले मर्मत सम्भार खर्चमा समेत रोयल्टी र आरटीडीएफ लागु गर्न आदेश दिएपछि भायानेटले तुरुन्तै बक्यौता भुक्तानी अघि बढाएको हो ।
भायानेटले त्यससँगै पछिल्लो आर्थिक वर्षको रोयल्टी र आरटीडीएफ पनि बुझाएको जनाएको छ।
भायानेटका प्रमुख वित्तीय अधिकारी ९सीएफओ० रन्धीरकुमार शाहले भने अदालतको आदेशपछि भुक्तानीसम्बन्धी अन्योल अन्त्य भएको बताएका छन् ।
- तीनकुने घटनाको सम्पूर्ण जिम्मेवारी पूर्वराजाले लिनुपर्छः विश्वप्रकाश शर्मा
- रास्वपामा फर्किए रवि लामिछाने, भोलिको बैठकमा सहभागी हुने
- जनकपुरमा प्रहरी र स्थानीयबीच झडप
- राजावादीलाई जेल हाल्नुपर्छ भनेपछि राजेन्द्र लिङ्देनले छाति ठोकेर भने, ‘राजावादी यहाँ छ, सके जेल हाल’
- ‘नियोजित रुपमा काटियो संसद बैठकको प्रत्यक्ष प्रसारण’
- फरार भएका दुर्गा प्रसाईँको भिडियो बयानः म भागेको छैन, काठमाडौँमै छु (भिडियोसहित)
- सत्तापक्ष र प्रतिपक्षका सांसदहरुको बाझाबाझका कारण १५ मिनेट सर्यो प्रतिनिधिसभा बैठक
- राजावादीको आन्दोलनमा तोडफोड र आगजनी गर्नेको फोटो भिडियो पठाइदिन नेपाल प्रहरीको अनुरोध
