ठमेलमा प्रहरी कुट्ने एमालेका दुई विद्यार्थी नेता पक्राउ, मुख्य योजनाकार कमल जोशी फरार
काठमाडौं । ठमेलमा ड्युटी खटिएको प्रहरीमाथि आक्रमण गरेको आरोपमा एमालेका दुईजना विद्यार्थी नेता पक्राउ परेका छन् ।
जिल्ला प्रहरी परिसर काठमाडौंका एसएसपी विश्व अधिकारीका अनुसार पक्राउ पर्नेमा नेकपा एमालेको विद्यार्थी संगठन अनेरास्ववियु अस्कल क्याम्पसका प्रारम्भिक कमिटी उपाध्यक्ष दिनेश सिग्देल र अर्का रमेश फुलारा रहेका छन् । उनीहरू दुवै जना अमृत साइन्स क्याम्पस (अस्कल) मा अध्ययनरत रहेका छन् ।
उनीहरुले ठमेलमा ड्युटीमा खटिएको दरबारमार्गस्थित केशरमहल बिटको क्विक रेस्पोन्स टीम (क्यूआरटी) को टोलीमाथि आक्रमण गरेको थियो ।
आक्रमणबाट प्रहरी हवल्दार जगुलाल चौधरी र जवान नगेन्द्रराज विष्ट घाइेत भएका थिए । उनीहरूको टाउको र शरीरका विभिन्न भागमा चोट समेत लागेको थियो । उनीहरूले प्रहरीको मोटरसाइकल लडाउँदै कुटपिट गरेका थिए भने प्रहरीको लौरो समेत फालिदिएका थिए ।
कुटपिटका मुख्य योनजनाकार अनेरास्ववियुकै स्थायी कमिटी सदस्य तथा अस्कल कमिटीका पूर्व अध्यक्ष कमल जोशी भने फरार रहेको प्रहरीले जनाएको छ ।
- प्रधानमन्त्री ओली स्वदेश फिर्ता
- विदाईको दिन समिरले साथीको सर्टमा लेखेः बालेन, रवि, कुलमान जस्तालाई काम गर्न नदिने मेरो देशमा हामी जस्ता युवाले कसरी गरी खानु ?
- खयरका रुख फाँडेर खेतीयोग्य जमिन बनाउने कार्य तीव्र, वन कार्यालय गोष्ठी र सेमिनारमा ब्यस्त भएको आरोप
- गहुँले हरियाली देखिएका सिन्धुपाल्चोकका खेत (तस्विरहरु)
- प्रधानमन्त्री ओली स्वदेश प्रस्थान, १२ः३० मा नेपाल आइपुग्ने
- रवि लामिछानेलाई भैरहवा पुर्याइयो
- बारको २७ औंँ केन्द्रीय कार्यसमितिका लागि मतदान जारी
- आज चैते दशैँ, नवदुर्गा भगवतीको पूजा आराधना गरी मनाइँदै
