त्रिकोणात्मक अन्तर्राष्ट्रिय ट्वान्टी–२० श्रृङ्खलामा नेपालकाे लगातार तेश्रो हार
काठमाडौँ । काठमाडौँमा जारी त्रिकोणात्मक अन्तर्राष्ट्रिय ट्वान्टी–२० श्रृङ्खलामा नेपालले लगातार तेश्रो हार व्यहोरेको छ ।
कीर्तिपुरस्थित त्रिवि क्रिकेट मैदानमा आइतबार भएको खेलमा नेपाल नेदरल्याण्ड्ससँग १५ रनले पराजित भएको हो । नेदरल्याण्ड्सले दिएको १ सय ४१ रनको लक्ष्य पछ्याएको नेपालले निर्धारित २० ओभरमा ८ विकेट गुमाएर १ सय २५ रन बनायो । नेपालका लागि कप्तान इन्दु बर्माले सर्वाधिक ३० रन बनाइन् । नेदरल्यान्डसका लागि आइरिस विलिङ, क्यारोलिन डिल्याङ र हेदर सिजर्सले दुई–दुई तथा इभा लिन्च र इशावेल वनिङले एक–एक विकेट लिइन् ।
यसअघि टस जितेर पहिले ब्याटिङ गरेको नेदरल्यान्ड्सले नौ विकेटको क्षतिमा १४० रन बनाएको थियो । नेदरल्यान्ड्सका लागि सर्वाधिक बबेट डिलेडले ४१ रन बनाइन् ।
नेपालका लागि सीता राना मगरले पाँच विकेट लिइन् । जितसँगै नेदरल्यान्डसको ६ अकं भएको छ भने नेपाल अंकविहीन छ ।
अर्का टोली थाइल्यान्डको दुई अंक छ । सिरिजको पहिलो खेलमा नेपाल नेदरल्याण्ड्स र दोस्रो खेलमा थाइल्याण्डसँग पराजित भएको थियो । नेपालले अर्को खेलमा मंगलवार थाइल्याण्डसँग खेल्नेछ ।
- तीनकुनेको घरमा आगो लगाउने 'राजावादी युवा', जसले खोपेका छन् छातीमा पूर्वराजाको ट्याटु
- लहानमा सलहेश फूलबारी मेलाको रौनक
- वीरगंज झडपः दिनभरको वार्तापछि ५ बुँदे सर्वपक्षीय सहमती
- विश्वभर छरिएका नेपालीहरु एकताको सूत्रमा बाँधिन अब ढिला गर्नुहुँदैनः पूर्वराजा शाह
- तीनकुने घटनाबारे पूर्वराजा ज्ञानेन्द्र शाह, 'मानवीय एवं भौतिक क्षति भएको सुन्दा अत्यन्तै दुःख लाग्यो' (पूर्णपाठ)
- चारदेशीय टी–२० आई शृङ्खलाको उपाधि कुवेतलाई
- ८ अङ्कले घट्यो नेप्से परिसूचक
- रवि लामिछानेले दायर गरेको निवेदनमा कैफियत प्रतिवेदन झिकाउन सर्वोच्चको आदेश
-1-1741851159.png)