तामाङ समाज यूएई अबुधाबीद्वारा विदेशी भूमिमा रहेर बिभिन्न क्षेत्रमा आफ्नो छाप छोड्न सफल नेपालीहरुको सम्मान
काठमाडौँ । तामाङ समाज यूएई, अबुधाबी क्षेत्रीय समितीले यूएई रहेर बिभिन्न क्षेत्रमा आफ्नो छाप छोड्न सफल नेपालीहरुलाई सम्मान गरेको छ ।
सम्मानित हुनेमा अन्तर्राष्ट्रिय तेक्वान्दो मास्टर तथा युएईका पहिलो नेपाली राष्ट्रिय रेफ्री जगन अधिकारी, कराते राष्ट्रिय खेलाडी तथा प्रशिक्षक शान्ति तामाङ, मध्यपुर्वको पर्यटन क्षेत्रकी पहिलो महिला डबल डेकोर बस चालक शान्ती भण्डारी र सामाजिक कार्यमा सक्रिय रहँदै आएकी पेमा तामाङ रहेका छन् ।
समितीद्वारा २५ जनावरी २०२५ शनिबारको दिन मञ्जुश्री संवत् २८६१ औँ डुल ल्हो (सर्प बर्ग) सोनाम ल्होछार था सेलो बिशेष कार्यक्रमको अवसर पारेर उनिहरुलाई सम्मान गरिएको हो । उक्त कार्यक्रम इन्डियन इस्लामिक सेन्टर, अबुधाबीमा आयोजना गरिएको थियो ।
सम्मानित सबैलाई नेपाली समाजका अध्यक्ष राम मोक्तान, तामाङ समाज यूएईका अध्यक्ष भिम दोङ्, तामाङ समाज यूएईका सल्लाहकार सम्भु वाईवा, तामाङ समाज यूएई अबुधाबी क्षेत्रीय समितीका अध्यक्ष लवाङ दोर्जे लगायतले खादा तथा सम्मान पत्र प्रदान गरेका थिए ।
कार्यक्रममा बोल्दै तामाङ समाज यूएईका संस्थापक कोषाध्याक्ष, पुर्बअध्यक्ष तथा प्रमुख संरक्षक राम मोक्तानले सम्मानित सबैलाई बधाई दिए ।
कराते खेल मार्फत बिभिन्न राष्ट्रिय तथा अन्तर्राष्ट्रिय पदक जित्न सफल खेलाडी तथा हाल युएईको आबुधाबी स्थित वारियर एकेडेमीमा कराते प्रशिक्षण गराउदै आएकी शान्ति तामाङले कार्यक्रम आयोजकले फरक बिधामा अगाडी बढ्दै आएका नेपालीहरुलाई सम्मान गरेर अझै राम्रो काम गर्न प्रेरणा प्रदान गरेको बताईन।
उक्त कार्यक्रममा बोल्दै तामाङ समाज यूएई, अबुधाबी क्षेत्रीय समितीका उपाध्यक्ष एवम् कार्यक्रमका संयोजक श्याम तामङले नेपालीहरु माझ चिरपरिचित मध्यपुर्वको पर्यटन क्षेत्रकी पहिलो महिला डबल डेकर बस चालक शान्ती भण्डारी, सामाजिक कार्यमा सकृय रहदै आएकी पेमा तामाङ लगायत खेल क्षेत्रमा स्थापित ब्यक्तित्व हरुलाई सम्मान गर्न पाउदा खुशी लागेको र आगामी दिनहरुमा पनि बिभिन्न संस्थाहरुले पनि यसको अनुसरण गर्दै बिभिन्न क्षेत्रमा राम्रो काम गर्दै आएका नेपालीहरुलाई हौसला प्रदान गर्नको निम्ती यस्तै कार्यक्रम आयोजना गर्न सुझाब दिए।
कार्यक्रममा नेपालीहरुको बाक्लो उपस्थिती रहेको थियो । तामाङ समाज यूएई तथा अबुधाबी क्षेत्रीय समितीले बिभिन्न सामाजिक कार्यहरुमा अग्रसर रहेर कार्य गर्दै नेपाली समुदायलाई सहयोग गर्दै आएको छ ।
- रावावादीको कार्यक्रमस्थलमा टियर ग्यास हानेको भनिएको भिडियो ‘डिपफेक’ भिडियो होः प्रहरी
- टोखामा ट्रकमा भेटिएको २५ करोडका मालिक सिन्धुपाल्चोकका नारायण पौडेल
- पत्रकार सुरेश रजकको पोस्टर्माटम सकियोः गोली भेटिएन, श्वास नलीमा धुँवाको मुस्लो छिरेपछि मृत्यु
- नेपाल र थाइल्याण्डबीचको आपसी सम्बन्ध नयाँ उचाइमा पुगेको छः प्रधानमन्त्री ओली
- रवीन्द्र र धवलसहित ४१ जनालाई म्याद थपका लागि लगिँदै
- २३ अङ्कले बढ्यो नेप्से परिसूचक
- कति छन् शिक्षक आन्दोलनमा शिक्षकहरू ? (ड्रोन भ्यू)
- काठमाडौँमा शिक्षकहरुको आन्दोलन (तस्विरहरु)
