अफिम, चरेस र गाजा तस्करी अभियाेगमा दुई भारतीयसहित तीन जना प्रहरी नियन्त्रणमा
मकवानपुर । जिल्ला प्रहरी कार्यालय मकवानपुरले अफिम, चरेस र गाजासहित तीन जनालाई नियन्त्रणमा लिएको छ । प्रहरीका अनुसार उनीहरु सवार दुई वटा भारतीय कारलाई पनि नियन्त्रणमा लिइएको छ ।
गएराति करिब २ बजे आसपासमा थाहा नगरपालिका–११ टिस्टुङ नौखनडेस्थित त्रिभुवनराजपथमा इलाका प्रहरी कार्यालयले भारतीय नम्बर प्लेट डिएल ८ सिएक्स १२२४ को कार जाँचका क्रममा २१ केजी चार सय ६० ग्राम चरेस, तीन केजी चार सय ७० ग्राम अफिमसहित कारमा सवार भारतीय हरियाणा राज्री जिल्ला हिसार गोविन्दनगर बस्ने २५ वर्षीय कुनाल गोथ्वाल र सोही ठाउँका २० वर्षीय मनिस कुमारलाई नियन्त्रणमा लिइएको जनाइएको छ ।
साथै आज बिहान ५ः३० बजे हेटौँडा उपमहानगरपालिका–१५ रातोमाटे चेकपोस्टमा चितवनबाट वीरगञ्ज जाँदै गरेको भारतीय नम्बर प्लेट डिएल १३ सी १५६१ को कार जाँच गर्दा एक सय एक केजी गाजासहित पर्सा वीरगञ्ज महानगरपालिका–२६ अठराह सुगौलीका २० वर्षीय राजन राउत कुर्मीलाई नियन्त्रणमा लिइएको प्रहरीको भनाइ छ । पक्राउ परेकाहरु उपर अनुसन्धान भइरहेको प्रहरीले जानकारी दिएको छ ।
- राजतन्त्र फर्कन्छ भन्ने कुरा दिउँसै देखेको सपना मात्रै होः प्रधानमन्त्री ओली
- राप्रपाले आमसभापछि सफा गर्यो सडक, बालेनले दिए धन्यवाद!
- रास्वपाले बोलायाे सचिवालय बैठक
- आन्दोलनरत शिक्षकहरुलाई पुनःवातार्मामा आउन सरकारको आव्हान
- लेक लागेर पर्यटकको मृत्यु
- धवलशमशेर जबरा र रवीन्द्र मिश्रसहित २० जनालाई थप १५ दिन हिरासतमा राख्न अदालतको अनुमति
- उपयुक्त समयमा संविधान संशोधन हुन्छ, समिति बनाएर काम गर्छौंः प्रधानमन्त्री
- धेरै हिरो भएर पत्र नकाट्न बालेनलाई राजेन्द्र लिङ्देनको चेतावनी
